Тыдзень роднай мовы
Цікава і змястоўна прайшоў у школе тыдзень роднай мовы. Кожны дзень быў насычаны пазнавальнымі, гульнёвымі, творчымі мерапрыемствамі.
Вучні 5-11 класаў змаглі адчуць і смак роднага слова, і водар, і напеўнасць, і фарбы - самыя разнастайныя формы правядзення заняткаў былі прапанаваны ўдзельнікам тыдня.
А сярод лепшых прыхільнікаў беларускай мовы і літаратуры аказаліся вучні 5-га класа, якія падрыхтавалі паэтычную панараму "Гімн роднай мове".
Вучні 6-х, 8-га класаў прынялі ўдзел у арт-праекце "Маё любімае беларускае слова". А сямікласнікі парадавалі выпускам насценных лінгвістычных газет "Мова займальная і цікавая".
На працягу тыдня ў школе ладзіліся літаратурныя імпрэзы, лексічныя марафоны, турніры знаўцаў. На перапынках гучалі сучасныя беларускія песні. У конкурсе "Буслік" прынялі ўдзел 34 вучні.
Вучні старэйшых класаў прадставілі рэфераты па творчасці класікаў-юбіляраў бягучага года. А для пачаткоўцаў працаваў відэазал "Мульцікі па-беларуску!"
Дзякуем за ўдзел! Няхай і надалей пашыраецца кола пазнаваўчай і творчай дзейнасці па авалодванні роднай мовай!
